Il diluvio
versione greco traduzione libro hellenikon phronema
Προμηθεως δε παις Δευκαλιων εγενετο. Ουτος βασιλευων των περι την Φθιαν τοπων γαμει Πυρραν την Επιμηθεως και Πανδωρας, ην επλασαν θεοι πρωτην γυναικα. Επει δε αφανισαι Ζευς το χαλκουν ηθελησε γενος, υποθεμενου Προμηθεως Δευκαλιων τεκτηναμενος λαρνακα, και τα επιτηδεια ενθεμενος, εις ταυτην μετα Πυρρας εισεβη. Ζευς δε πολυν υετον απ' ουρανου χεας τα πλειστα μερη της Ελλαδος κατεκλυσεν, ωστε διαφθαρηναι παντας ανθρωπους, ολιγων χωρις οι συνεφυγον εις τα πλησιον υψηλα ορη. Τοτε δε και τα κατα Θεσσαλιαν ορη διεστη, και τα εκτος Ισθμου και Πελοποννησου συνεχυθη παντα. Δευκαλιων δε εν τη λαρνακι δια της θαλασσης φερομενος εφ' ημερας εννεα και νυκτας τας ισας τω Παρνασω προσισχει, κακει των ομβρων παυλαν λαβοντων εκβας θυει Διι φυξιω. Ζευς δε πεμψας Ερμην προς αυτον επετρεψεν αιρεισθαι ο τι βουλεται· ο δε αιρενταν ανθρωπους αυτω γενεσθαι. Και Διος ειποντος υπερ κεφαλης εβαλλεν αιρων λιθους, και ους μεν εβαλε Δευκαλιων, ανδρες εγενοντο, ους δε Πυρρα, γυναικες. Οθεν και λαοι μεταφορικως ωνομασθησαν απο του λαας ο λιθος.