Post cladem apud Pharsalum Pompeius, cum consilium adeundae Syriae deposuisset et magnum argenti pondus in naves imposuisset, quod ad bellandum utile videretur, duo mila hominum coegit, quos ioneos ad arma ferenda existimabat. Cum his Pelesium in Aegyptum pervenit. Ibi rex erat Ptolemaeus, qui, puer aetate et regnandi cupidus, sororem Cleopatram, bellum per amicos et socios gerendo, regno expulerat. Tunc amici regis, qui propter aetatem Ptolemaei in pricuratione regni erant, trepidare et timere ne Pompeio Aegyptum occupandi occasio praeberetur. Hi legatis, a Pompeio missis ad hospitium petendum, palam responderunt liberaliter et eum ad regem venire iusserunt, sed clam consilium eum interficiendi inierunt. Ad hoc faciendum Achillam praefectum regium et Lucium Septimium miserunt. Ita Ptolemaeus Pompeium per sicarios necavit et, adductus spe sibi amicitiam Caesaris parandi, caput adversarii obtruncatum ei tradendum curavit. Quo viso, Caesar illacrimasse dicitur.
Versione latino NOVA OFFICINA - Pompeo dopo la sconfitta
- Dettagli
- Scritto da Anna Maria Di Leo
- Categoria: NOVA OFFICINA - versioni latino tradotte
- Visite: 3