Μετα ταυτα θερους μεσουντος ηδη η αναγωγη εγιγνετο ες την Σικελιαν. Των μεν ουν ξυμμαχων τοις πλειστοις και ταις σιταγωγοις ολκασι και τοις πλοιοις και οση αλλη παρασκευη ξυνειπετο προτερον ειρητο ες Κερκυραν ξυλλεγεσθαι, ως εκειθεν αθροοις επι ακραν Ιαπυγιαν τον Ιονιον διαβαλουσιν αυτοι δ' Αθηναιοι και ει τινες των ξυμμαχων παρησαν ες τον Πειραια καταβαντες εν ημερα ρητη αμα εφ' επληρουν τας ναυς ως αναξομενοι. Ξυγκατεβη δε και ο αλλος ομιλος απας ως ειπειν ο εν τη πολει και αστων και ξενων, οι μεν επιχωριοι τους σφετερους αυτων εκαστοι προπεμποντες, οι μεν εταιρους, οι δε ξυγγενεις, οι δε υιεις, και μετ' ελπιδος τε αμα ιοντες και ολοφυρμων, τα μεν ως κτησοιντο, τους δ' ει ποτε σψοιντο, ενθυμουμενοι οσον πλουν εκ της σφετερας απεστελλοντο.