Aureliano Imperatore (II) - Grammatica Picta 2 pagina 221 numero 29

Aureliano imperante etiam in urbe monetarii rebellaverunt vitiatis pecuniis et Felicissimo rationali interfecto. Quos Aurelianus victos ultima crudelitate conpescuit. Plurimos nobiles capite damnavit. Saevus et sanguinarius ac necessarius magis in quibusdam quam in ullo amabilis imperator fuit. Trux omni tempore, etiam filii sororis interfector, disciplinae tamen militaris et morum dissolutorum magna ex parte corrector. Urbem Romam muris firmioribus cinxit. Occiditur servi sui fraude, qui ad quosdam militares viros, amicos ipsius, nomina pertulit adnotata, falso manum eius imitatus, tamquam¹ Aurelianus ipsos pararet occidere; itaque ut praeveniretur, ab isdem interfectus est. (da Eutropio) 1. tamquam: "come se".